ბოლო რამდენიმე წლის განმავლობაში ბიზნეს გარემოში ძალიან ხშირად გვხდება ტერმინები Agile და Scrum. ბევრი ორგანიზაცია კი უკვე იყენებს მსგავს მეთოდოლოგიებს  (Kanban, Lean, XP)  ყოველდღიურ პროექტების მართვაში.  მაგრამ რას ნიშნავს ეს ტერმინები სინამდვილეში და რა სარგებელი უნდა მოუტანოს ორგანიზაციას ახალი მეთოდოლოგიის დანერგვამ? ან როგორ უნდა დაიწყო თუ ეს მეთოდი აქამდე არ გამოგიყენებია? 

Agile მეთოდოლოგია რეკომენდებულია ინოვაციური პროექტებისთვის, სადაც პროექტის შედეგის ყველა მახასიათებელი წინასწარ არ არის ცნობილი. მაგალითად ეს მეთოდოლოგია წარმატებით გამოიყენება ინფორმაციული სისტემების დანერგვის ან მარკეტინგული პროექტების შემთხვევაში, როდესაც პირველადი ხედვა და საბოლოო პროდუქტი ხშირად რადიკალურად განსხვავებულია ერთმანეთისგან. პროექტის მართვის კლასიკური (არა  Agile) მეთოდი კი კვლავ ეფექტურია ისეთი პროექტების მართვისთვის, სადაც წინასწარ ცნობილია საბოლოო პროდუქტის ძირითადი მახასიათებლები, მაგალითად როგორც სამშენებლო პროექტებში.

ტრენინგი „პროექტების მართვა Scrum Agile მეთოდოლოგიით“ არა მარტო შეგასწავლით Agile-ის მთავარ კონცეფციებს, არამედ მოგცემთ საშუალებას გაიმყაროთ თეორიული ცოდნა რეალური მაგალითებისა და სიტუაციური ამოცანების ამოხსნით. ტრენინგის მონაწილეები ასევე იმუშავებენ  მაღალეფექტური გუნდის შექმნაზე და ცვლილებების მიმართ ადაპტაციის უნარის გამომუშავებაზე, რაც კრიტიკულად მნიშვნელოვანია Agile პროექტის მენეჯერისთვის.

​

რას მივიღებ კურსის გავლით

კურსის გავლის შედეგად მონაწილეები ნათელ წარმოდგენას ჩამოიყალიბებენ Agile მართვისთვის აუცილებელი უნარებისა და ცოდნის შესახებ:

• ეცოდინებათ თუ რა განსხვავებაა ჩვეულებრივ და Agile მეთოდოლოგიას შორის

• ეცოდინებათ Agile მეთოდოლოგიის დადებითი / უარყოფითი მხარეები, რა ტექნიკები და მიდგომებია Agile-ში

• შეძლებენ Agile ტექნიკების გამოყენებას

• ეცოდინებათ Agile-ში მონაწილე ყველა მხარის პასუხისმგებლობები

• უკეთ შეძლებენ შეიმუშაონ მისაღწევი შედეგი ცვალებად ბიზნეს გარემოში

• დახვეწენ გუნდის მიერ  მიზნების დასახვის ტექნიკას

• მოემზადებიან თავისი გუნდების მეტად შეკავშირებისა და უკეთ მოტივირებისათვის

• გააუმჯობესებენ უკუკავშირის (მადლობები და შენიშვნები) კომუნიკაციის ტექნიკას

• გამართავენ კომუნიკაციას ზემდგომებთან და სხვ.

ყველა მონაწილე მიიღებს შესაბამის სერტიფიკატს.