თანამედროვე ბიზნეს გარემოს დამახასიათებელი ნიშანია ცვლილებების საჭიროების გაზრდილი სიხშირე და დასმული ამოცანების კომპლექსურობა. ამასთან ერთად, ყოველი ახალი პროექტი ხშირად იწყება ძალიან ბუნდოვანი წარმოდგენით იმაზე თუ რა უნდა იყოს პროექტის შედეგი და როგორი უნდა იყოს საბოლოო პროდუქტი. ამ გარემოებებში სიახლეების დანერგვაზე პასუხისმგებელი ადამიანების ამოცანა საჭიროებს სწორ მიდგომებს, ინსტრუმენტებს და მოქმედებათა თანამედროვე ჩარჩოების (framework-ების) ცოდნას. ამ კურსის ფარგლებში თქვენ შეისწავლით როგორც Agile ქოლგის ქვეშ გაერთიანებულ რამდენიმე მეთოდს (Scrum, Kanban), ასევე გაეცნობით იმ ინსტრუმენტებს და პრაქტიკებს, რომელიც არ არის უშუალოდ მეთოდოლოგიების ნაწილი, მაგრამ წარმატებით გამოიყენება გამოცდილი Product Owner-ების მიერ საუკეთესო შედეგების მისაღწევად.

 

რას მიიღებთ კურსის გავლით:

კურსის გავლის შედეგად მსმენელები

• უკეთ შეძლებენ Product Owner როლის შესრულებას;

• ნათელ წარმოდგენას ჩამოიყალიბებენ კომპანიის პროდუქტების განვითარებისთვის ან ტექნიკური სიახლეების დასანერგად აუცილებელი უნარებისა და ცოდნის შესახებ;

• უკეთ შეძლებენ შეიმუშაონ მისაღწევი შედეგის ხედვა;

• უკეთ შეძლებენ კომპანიის სტრატეგია დანერგონ პროექტების და პროდუქტების დონეზე;

• შეისწავლიან მომხმარებლის საჭიროებების დადგენის და ანალიზის ინსტრუმენტებს;

• გაიუმჯობესებენ ამოცანის ჩამოყალიბების უნარებს;

• გაიუმჯობესებენ ცვლილებებზე რეაგირების და ადაპტირების უნარს;

• გააუმჯობესებენ კომუნიკაციას გუნდის წევრებთან;

ყველა მონაწილე მიიღებს შესაბამის სერტიფიკატს.